செத்தபிறகு சிவலோகம் வைகுந்தம்
    சேர்ந்திடலா மென்றே எண்ணியிருப்பார்
பித்த மனிதர்,அவர் சொலுஞ் சாத்திரம்
    பேயுரை யாமென்றிங் கூதேடா சங்கம் !
                                         1
இத்தரை மீதினி லேயிந்த நாளினில்
    இப்பொழு தேமுக்தி சேர்ந்திட நாடிச்
சுத்த அறிவு நிலையிற் களிப்பவர்
    தூய ராமென்றிங் கூதேடா சங்கம் !
                                         2
பொய்யுறு மாயையைப் பொய்யெனக் கொண்டு,
    புலன்களை வெட்டிப் புறத்தில் எறிந்தே
ஐயுற லின்றிக் களித்டிருப் பாரவர்
    ஆரிய ராமென்றிங் கூதேடா சங்கம் !
                                         3
மையுறு வாள்விழி யாரையும் பொன்னையும்
    மண்ணெனக் கொண்டு மயக்கற் றிருந்தாரே
செய்யுறு காரியம் தாமன்றிச் செய்வார்
    சித்தர்க் ளாமென்றிங் கூதேடா சங்கம் !
                                         4